- CHANGE YOUR THINKING FOR YOU NEED NEW EXPERIENCE
All those things wey you don think for last year wey you no do and you see say e affect you somehow, na right time be this wey you go do am. E fit be any of this: dey vibe on only positive music, make you dey appreciate at least 10 people a day verbally, make sure say your 8 hours sleep dey complete, picture your goals as mission wey don complete, you fit dey do yoga for like 20 minutes a day, make sure say you dey spend time with your spouse at least for one hour and no forget your pikin too…
If business idea don dey run for your head, na right time to ignite am be this. If you no know how e go be that one small, buy books for person wey wan start business or nack your questions for Google.
- YOU GO NEED PHYSICAL AND HEALTH FITNESS
No just go anywhere wey go spoil your calender for the year find better place and if the money dey you fit get yourself trainer. No be only fitness dey there, fun too join.
- TRY MAKE YOU DEY BUILD VALUE EVERYDAY
Do business with people wey you trust and wey go also make you feel special. Create routine wey assurance dey say e reach like 20 possible or current customers everyday. To dey deliver no be the koko wey dey there, na to ensure say e dey add value.
- TRY BURST ON PERSON BRAIN EACH DAY
For this life wey we dey you no fit make everybody happy but try your best say you dey do extraordinary thing for one person a day. E fit be your customer, colleague, relative or even your paddy each day and do them something wey go burst their brain on long run. Because this kind principle go make your business and life dey remarkable.
You suppose get that special hour wey be say na for only your family. E fit be say you go dey play game with your pikin for like two times a week or carry them go lick ice cream. Tho e no easy to dey do family things but the truth be say you suppose dey work to live no be say you dey live to work ooooh.
- NO DEY CARRY OTHER PEOPLE OPINIONS
As you don accept say you no fit please everybody. Bill Cosby talk say “as for me I no know key to success but e sure for me say key to failure na to dey try please people.”
- NO DEY TAG THINGS “BAD THING ”
Whenever fuck up happen like this wey we no want, nobody like fuck up na. The next thing wey we go do na to tag am say wetin happen na “bad thing”. But the truth be say we no know if wetin happen na good or bad and we no dey try reason am say e fit be for our own sake. So make we no dey tag anything wey happen to us wey we no like make e show up “bad thing”.
- YOU GO NEED SLOW DOWN SMALL
E easy to dey busy, make you dey move as long your leg fit carry you but e no get point if person to rush climb mountain wey later discover say na wrong mountain hin dey climb. Business people dey always focus that few vital priorities wey go blow them. If na only 30 minutes you go dey spend a day on to say you wan slow down to think, plan, visualize and check your steps. So be it my friend slow down make you prepare perfectly to speed up.
Make we ask ourself: Na which battle I fight last year wey I no win? Say some worth make I continue to fight am or make I stop? Why I no win the battle self last year? Wetin I fit do or clue wey I go follow to win am this year? And how I go take make good things wey happen last year dey repeat himself? 2020 go surely be another great year!