History Of Football In Brief

History Of Football In Brief

Football wey some part of the world call soccer don dey existence teytey. Current form for football na from England in 19th century but alternative of the game don dey before England version wey we dey follow now. The first football game involve teams playing  wey be say na rock be the ball in old Mesoamerican cultures for over 3,000 years ago. The ball dey symbolize the sun and the captain of team wey loose go be sacrificed to the gods for meal. The first ball game where the player kick ball take place in China for 3rd and 2nd century BC under Cuju. Na square area with round ball them take dey play Cuju. Some historians suggest say the first of well organized team na from Sheffield in 1855. The oldest team wey be professional football clubs na the English club Notts County wey them form in 1862 and still dey exist today. Before na public school teams dey play am but later worker come join. Some changes come dey show up when some club dey pay best player to join their club which dey make am look professional small.

Motivation behind paying players no be for only to win matches. In the 1880s the interest for the game don move ahead to the level say them start to dey sell tickets.  And finally, in 1885 dey legalize professional football and after three years dey establish Football League. First Important competition wey hold na Football Association Challenge Cup (FA Cup) in 1871. Na 0-0 end the match between England and Scotland wey be national team for first time and 4,000 people go watch am for Hamilton Crescent. In 1883 after twelve years, the first international tournament come hold wey include four national teams: England, Ireland, Scotland and Wales.

Them create The Fédération Internationale de Football Association (FIFA) in 1904 and some countries representative sign the foundation act from France, Belgium, Denmark, the Netherlands, Spain, Sweden and Switzerland. England and other British countries no wan join because say na them invent am so them no wan be subordinate to the association. The country later come join them but no fit play till 1950. For Britain, Andrew Watson na him be the first black player and he dey play for Scottish club Queen’s Park in 1880s.
We get six confederations:

  1.  Confédération Africaine de Football (CAF)
  2.  Asian Football Confederation (AFC)
  3.  Union des Associations Européennes de Football (UEFA) 
  4. The Confederation of North, Central America Caribbean Association Football (CONCACAF) 
  5. Oceania Football Confederation (OFC)
  6.  Confederación Sudamericana de Fútbol (CONMEBOL).



Share on facebook
Share on twitter
Share on email
Share on whatsapp
Share on telegram

Leave a Reply

Your email address will not be published. Required fields are marked *